Search Anything

Magnet Ki Jankari In Hindi Magnet Definition In Urdu


Magnet Information In Hindi Magnet Definition In Urdu


Magnet aik bohat special kisam ka metal hai. Jab magnet ko kisi dusre metal jesy Iron ke nazdeek kiya jata hai to ye us metal ko apni taraf khichta hai attract karta hai. Agar dono sides same hoon to phir magnets ek dusre ko dhakelte hain isay magnetism kaha jata hai. Magnets dusre mukhtalif metals ko magnets mein badal sakte hain aur ye us waqt hota hai jab kisi magnet ko kisi dusre metal jisay magnet attract karta ho uske sath rub kiya jaye yani us metal ke sath ragra jaye to phir us metal mein bhi magnetism shamil ho jayegi. Magnets ki types bhi hoti hain jin mein kuch types darj zail hain.

Soft Magnets



Soft magnets ya phir impermanents magnets aksar electromagnets mein istemal kiye jate hain. Ye wire jis mein Electrical Current hoti hai uski magnet field ko 100 ya phir 1000 baar barhate hain. Soft magnet ki field current ke sath barhti hai.
Permanent magnet mein ferromagnetism hota hai. Ye kuch patharon mein qudrati taur par paya jata hai khaas taur par lodestone mein lekin ab ye aam taur par manufacture kiya jata hai. Kisi magnet ki magnetism us waqt kam ho jati hai jab usay heat up kiya jata hai aur jab usay cool kiya jata hai to uski magnetism barh jati hai. Magnet ko 1000 degree celsius ke qareeb heat up kiya jata hai jab tak poles yani dono sides S-pole aur S-pole/N-pole aur N-pole aik dusre sey peeche nahi hat'tay aur iske baraks poles N-pole aur S-pole aik dusre ko apni taraf nahin khechte attract nahi karte. Neodymium iron boron aur Alnico permanent magnets ki types hain.
Magnets sirf khaas kisam ke materials ki taraf attract hote hain. Iron, Cobalt aur Nickel magnetic hain yani in metals par magnet asar karta hai. Aisy metals jin mein Iron ho unhein bhi magnets apni taraf khenchte hain Steel ko bhi magnet attract karte hain kyon ki steel mein bhi iron shamil hota hai. Kuch metals jaise Copper, Aluminium, Zinc aur Brass etc. par magnets asar andaaz nahin hote. Non-magnetic materials jaise glass aur wood bhi magnetic nahin hain kyon ki in mein magnetic material shamil nahi hai.

Natural Magnets


Natural ya permanent magnets artificial nahi hote ye aik kisam ke pathar hotay hain jinhein lodestone ya phir magnetite kaha jata hai. Aik compass earth ki magnetic field ko aur North magnetic pole ke points ko istemal karta hai. Magnet ki north side dusre magnet ki southside ki taraf attract hoti hai taham compass points ki north side north pole ki taraf jiska matlab sirf ye hai kay north pole waqai south ki taraf magnetic hai aur south magnetic pole waqai north ki taraf magnetic hai.

Pehla shakhs jisne naturally magnetic pathar ko discover kiya wo ek Chinese person tha. Pehli baar Chinese ne fortune-telling aur magic tricks ke liye pathar ikathy kiye phir uske baad unhone lodestones ko compass ko invent karne ke liye istemal kiya. Magnet ki khoj nahin ki gayi thi balkay magnet qudrati taur par talash kiya gaya tha jab kisi shakhs ke jootay ne nakhun ke sath magnet laga tha. Agar aap ko meri ye post achi lagi hai to neeche thanks box par click kar dain aur iss informative post ko Share ke button par click karke facebook ya twitter par apne friends ke sath share bhi karen.
Reactions:

Post a Comment

 
Top