Search Anything

Ubuntu Kya Hai Kali Linux Kya Hai 


Linux OS Information Explaination

What Is Linux Operating System In Urdu


Linux ya GNU/Linux Unix-like operating system aik Computers ke liye Operating System hai. Operating system ki definition:- Operating system electronic parts ko manage karne ke liye basic instructions ki collection hoti hai jo Computer ko applications programs run karne ki ijazat deta hai. Linux free open source software hai jiska matlab hai Linux ko koi bhi free use kar sakta hai usay dekh sakta hai kay ye kis tarah kaam karta hai usay tabdeel kar sakta hai aur share bhi kar sakta hai. Dusri taraf Microsoft ka computers ke liye banaya hua Windows OS open source software nahi hai.
Linux aur Like-Linux ke liye bohat saray softwares aur majood hain aur softwares bilkul free hain yehi wajah hai kay bohat saray log Linux ko istemal karna pasand karte hain.
Computer ki duniya mein aaj bhi Linux use hota hai lekin agar Computer market share mein dekha jaye to Windows Operating System top per hai aur agar hum Mobile Phone Operating System ke market share ki baat karte hain to phir Google Inc. ka Linux based OS Android is waqt top par hai jee haan bilkul Android Linux based OS hai ye Linux ki family Unix-like, Linux (kernel) sey taluq rakhta hai. Microsoft ne bhi Nokia ke sath mil kar mobile operating system ki duniya mein qadam rakha tha jisay Windows Phone kaha jata hai lekin Microsoft mobile ki duniya mein itna kamyab nahi ho saka. Linux apni original form mein servers ka bhi operating system hai jaise mainframe computers aur supercomputers jo kisi bhi World Wide Web ko run ke liye back end mein use hote hain jisay Web Server bhi kehte hain.
Desktop computers mein Linux sirf 3.4% use hota hai kyon ki desktop computers mein aaj bhi Microsoft ka OS Windows raaj kar raha hai. Linux embedded systems par bhi par chalta hai aisi devices jinka operating system firmware mein shamil hota hai jin mein Mobile Phones, Tablet Computers, Network Routers, Televisions, Video Game Consoles, Smart Watches aur facility automation controls.
Linux ki development free aur open-source software collaboration ki bohat wazeh misaal hai. Linux ke bunyadi source code ko use kiya ja sakta hai modify kiya ja sakta hai aur koi bhi shakhs isay commercially ya phir non-commercial share bhi kar sakta hai. Linux aam taur par Desktop aur server use ke liye Linux distribution mein packaged hota hai. Linux ki kuch popular distributions ye hain Ubuntu, Linux Mint, Fedora, openSUSE, Arch Linux aur Gentoo Commercial Red Hat Enterprise Linux aur SUSE Linux Enterprise Server distributions. Ubuntu bhi Linux based OS hai jo kafi popular hai aur Kali Linux Digital Forensic aur penetration testing jo Linux ki distribution Debian se liya gaya hai. Agar aap ko meri ye post achi lagi hai to neeche thanks box par click kar dain aur iss informative post ko Share ke button par click karke facebook ya twitter par apne friends ke sath share bhi karen.

Reactions:

Post a Comment

 
Top