Search Anything

Nitrogen Information In Urdu


Chemical Element Nitrogen Details

Nitrogen Meaning In Urdu



Nitrogen aik non metal chemical element hai. Atmosphere mein 78 percent nitrogen shamil hai. Nitrogen ka chemical symbol N aur atomic number 7 hai. Andar sey ye stable hota hai aur taur par is mein 14 nucleons yani 7 Protons aur 7 Neutrons shamil hote hain. Iske outer shell mein 5 Electrons hote hain.

Nitrogen Properties


Nitrogen normal Temperature par aik be rang aur baghair kisi bu wali gas hai. Isko aam taur par dusre nitrogen Atom ke sath attach kiya jata hai jo nitrogen molecule banate hai. Ye bond bohat takatwar hota hai yehi wajah hai kay bohat saray explosives mein nitrogen shamil hoti hai. Ye bond us waqt toot jata hai jab explosive banta hai jab bond forms toot jati hai to phir ye bohat sari energy release karte hain.


Ye liquid mein badal jati hai jo -195.8°C tak hota hai aur ye -210°C par solid ho jata hai agar isay Compress kiya jaye to ye liquid ko thanda kiye bagair liquid mein badal sakta hai. Ye aam taur par dusre atoms ke sath ikatha nahi hota kyon ki iske taqatwar bond isy react karne se bachate hain. Lithium un chand chemical elements mein sey aik hai jo heat kiye bina nitrogen ke sath react karta hai.
Magnesium ko nitrogen mein jalaya ja sakta hai. Nitrogen blue electric sparks bhi banta hai. Blue color un atoms ki wajah sey banta hai jo bohat pur josh hote hain. Jab wo normal hote hain to phir wo light ko release karte hain. Jab nitrogen bohat pur josh hoti hai to phir ye bohat sari aisi cheezon ke sath react karti hai jinke sath ye aam taur par react nahi karti.

Preparation and Occurrence of Nitrogen



Hawa mein taqreeban 78% nitrogen aur 20.95% Oxygen, 1% argon aur dusri gases ki nishaniyan hai jaise Carbon dioxide, water vapor etc. Ye ground mein chand nitrates mein shamil hoti hai Ammonium minerals bohat kam dekhne ko imlte hain. Proteins mein nitrogen hai. Pure liquid nitrogen thandi hawa sey banai ja sakti hai. Nitrogen oxygen sey mukhtalif temperature par liquid mein badalti hai. Nitrogen kuch chemical compounds ko heat up karne se bhi ban jate hai jesy sodium azide.


Uses of Nitrogen



Nitrogen aik aisa element hai jo cheezon ko oxygen aur air ke sath react karne sey bachata hai. Nitrogen ko Incandescent Bulbs aur crisp bags fill karne ke liye istemal kiya ja sakta hai. Nitrogen kuch tires ko fill karne ke liye bhi istemal hoti hai. Ye electrical component jesy Transistor banane ke liye istemal hote hain. Liquid nitrogen ko cheezon ko freeze karne ke liye istemal kiya ja sakta hai. Nitrogen compounds ke bohat saray istemal hote hain jaise kay Cleaners (ammonia), Explosive (dynamite) , Anesthetic (nitrous oxide) aur meat protein aur planes fuel etc.

History of Nitrogen Gas


Nitrogen ko Daniel Rutherford ne 1772 mein discover kiya tha jise wo noxious gas ya fixed gas kehte thy. Unhone discover kiya kay air ka hisa nahin jalta ye found kiya gaya kay is mein animals dead ho jate hain. Isay "azote" ke naam se bhi jana jata hai. Bohat saray natural compounds mein "azine" aur "azide" shamil hota hai jesy hydrazine. 1910 men Lord Rayleigh ne discover kiya kay jab koi spark nitrogen sey ho kar guzarta hai to ye nitrogen sey reactive banata hai. Ye nitrogen bohat saray metals aur compounds se harkat karti hai.

Safety for Nitrogen


Nitrogen zehreeli nahi hoti hum hawa mein mehfooz tarike se saans le sakte hain lekin hum pure nitrogen ke mein saans nahi le sakte kyon is mein oxygen shamil nahi hoti jo zinda rehne ke liye zaroori hai. Jo shakhs pure nitrogen mein saans leta hai wo pani ki kami shikar ho jata hai. Agar aap ke mind mein koi sawal hai to aap neeche comment box mein comment karke mujse pooch sakte hain aur agar apko meri ye post achi lagi hai to neeche Thanks Box par click kar dain aur iss informative post ko Share ke button par click karke facebook ya twitter par apne friends ke sath share bhi karen.
Reactions:

Post a Comment

 
Top