Search Anything

Barcode Information In Hindi Barcode Reader In Hindi

Barcode Lines


QR Code Kya Hota Hai

QR Code
Barcode numbers ko store karne ka aik tarika hai jo aisy tarike sey printed kiye jate hain jisey Computer asani sey parh sakta hai. Pehla barcode jo lines ko istemal karte hue numbers ko store karta hai usay bars kaha jata hai. Sab sey pehle Barcodes ka istemal railroad cars mein kiya gaya lekin barcodes technology ko success us waqt mili jab isay supermarket checkout system mein istemal kiya gaya. Duniya ki pehli product jis par barcode ka istemal kiya gaya wo Wrigley's Juicy Fruit Gum thi jo 26 June 1974 ko bechi gayi thi. Aaj kay daur mein barcodes bohat saray maqsad mein istemal hote hain.

Barcode History


Modern Barcode ko Norman Joseph Woodland aur Bernard Silver ne develop kiya tha aur unhe iska patent 1952 mein grant kiya gaya tha.

Barcode Designs


Barcode ki different types hain jo different designs ko istemal karte hain:



Pehle designs mein width aur lines ki spacing hoti hai is type ko one-dimensional barcode kaha jata hai. Iski examples European Article Number or Universal Product Code hai. Kuch designs two dimensional codes istemal karte hain. In codes mein dots hote hain jo white ya phir black hote hain use kiye jate hain. Aisay codes one dimensional codes ki nisbat zyada information store kar sakte hain. Iski example Secure Quick Response Code, BeeTagg, RMS4CC aur Aztec Code hain.
Standard barcode lines mein changes aur spaces ko numbers ko code mein store karne ke liye istemal karta hai. Lines ko Scanner ke zariye read kiya jata hai aur phir isay numbers mein badal diya jata hai. Isko design he isi tarah kiya jata hai kay ye forwards aur backwards ko read kar sakta hai jiski wajah sey isay istemal karne walay ko is cheez ki parwa nahi karni parti kay product uske samne kis tarah aur kis simt mein pari hui hai. Laser line ko changes read karne ke liye istemal kiya jata hai laser scanners ko Barcode readers bhi kaha jata hai. Kyon ki ye laser line one direction yani left or right mein scan karti hai isliye isay 1D barcode kaha jata hai.
Naye 2D systems mein bars ki bajaye symbols istemal hote hain aur in mein ziyada information store hoti hai lekin inhen bhi barcodes he kaha jata hai. Inhe left ya right aur upar ya neche two directions mein scan karne ki zaroorat hoti hai. Ye kisi image sey bhi special software ke zariye read ho sakte hain. Smartphones mein apps available hoti hai jo kisi picture sey ye 2D systems read kar sakti hai jisey khas taur par QR codes kaha jata hai. QR Codes bohat popular ho rahe hain kyon ki iski badulat user ko websites tak quick access karne mein asani hoti hai aap Mobile Phone mein bar code reader app download karke kisi bhi QR Code ko scan karke Website tak bina koi lafz type kiye foran access kar sakte hain.

Barcode Reader

Barcode Reader

Aik Barcode reader ya Barcode Scanner aik electronic device hai jo barcodes ko decode karne aur scan kar sakti hai. In devices mein optical technology jaisa kay Infrared light istemal hoti hai. Kuch readers mein integrated decoder aur kuch mein barcode reading k liye one unit aur dusron mein decode karne ke liye ek he hota hai.

Uses of Barcode System


  • Har baray supermarket ya store mein barcodes ka istemal kiya jata hai aap ne dekha hoga kisi bhi prodcut ki sides par ya neeche lines hoti hai wahi barcode hota hai.
  • Barcodes hospital mein patient ko identify karne doctors aur nurses ko patient ki medical history check karne mein bhi help karta hai.
  • Harkat karne wali cheezon mein bhi barcode istemal hota hai jin mein airline luggage, rental cars, nuclear waste aur mail etc. shamil hai.
  • 2005 sey airlines boarding passes ke liye 2D barcode system istemal kar rahi hain.

Agar aap ko meri ye post achi lagi hai to neeche thanks box par click kar dain aur iss informative post ko Share ke button par click karke facebook ya twitter par apne friends ke sath share bhi karen.
Reactions:

Post a Comment

 
Top