Search Anything

Define Web Application Web Application Meaning In Computer


Web Application Information
Web Application Definition



Web application aik Software Application hoti hai jo World Wide Web yani remote server par chalti hai. Web applications ko use karne ke liye ziyada tar Web Browsers istemal kiya jata hai jo aik network ke zariye kaam karti hai jisy Internet kaha jata hai. Kuch web applications companies, schools, offices etc. mein intranets istemal karti hain. Web applications dusri applications sey mukhtalif hoti hain kyon ki inhen computer ya mobile phone mein install karne ki zarorat nahi hoti. Web applications ki examples mein Facebook bhi shamil hai jo social networking ki website hai iske ilawa Google bhi web application hai jo Search Engine hai.
Web apps mein Google Maps bhi shamil hai aur Google Inc. ka social network Google+ bhi isi tarah web apps mein popular websites jesy Instagram social media aur Twitter bhi web application he hai. Web applications popular hoti hain kyon ki ziyada tar computer Operating System mein Web Browser shamil hota hai. Web applications ko Programmers asani sey badal sakte hain users ko ye changes dekhne ke liye koi naya software update nahi karna parta kyun ki ye sab kuch remote server par update ho jata hai.

Web Applications Benefits and Drawbacks


Benefits


Web applications web browser mein chalti hain isliye web apps ko install karne ki zarorat nahi hoti. Web applications chalne ke liye ziyada disk space ya phir computer power ki zarorat nahi hoti kyon ki ye client hota hai aur client sirf data ko display karta hai. Web applications compatibility ke issues ko solve karti hain jesy Windows, Mac, Linux web app ko use karne ke liye sirf aap ko ek browser ki zaroorat hoti hai. Bohat saray cases mein data remotely store kiya jata hai jis tarah dusri cloud computing ke sath hota hai is tarah easy communication aur cooperation ho sakta hai.
Communication aur Mail karne ke liye helpful hai.

Drawbacks of Web Applications


Web applications web browser mein chalti hain isliye zyada tar web applications ki look regular programs sey bohat mukhtalif hoti hai. Application ka user experience ya istemal karne ka tarika browser ke hisab sey thora mukhtalif ho sakta hai isliye kuch log isay na pasand kar sakte hain. Web applications ko code karne ki zaroorat hoti hai takay wo standards ko follow kar sake koi bhi browser jo standard ko follow karta hai wo istemal kiya ja sakta hai. Browser implementation mein standard ki choti tabdeeliyan browser wo web application istemal karne sey rok sakte hain. Web applications ko server ke sath connection ki zaroorat hoti hai jahan application har waqt chalti rehti hai. Connection ko kuch bandwidth ki zarorat ho sakti hai aik achay aur web application ko run karne ke liye kafi connection ke baghair application kaam nahi kar sakti aur badtareen cases mein data lost ho sakta hai.
Bohat sari applications server par dependent hoti hain jo unko host karte hain. Jab server switched off ho jaye ya phir company toot jaye to phir application qabil e istemal nahi rehti jab kay Computer mein install kiye hue softwares ke sath aisa nahi ho sakta. Jo company wo web application offer kar rahi hoti hai uska web application par pura control hota hai jiska matlab hai wo kabhi bhi kisi bhi user ko apni application use karne sey block kar sakti hai. Iska aik matlab ye bhi hai kay company web application ka new version jab unki marzi ho kisi bhi waqt launch kar sakti hai aur koi bhi shakhs application ka old version use nahi kar sakta. Bohat saray cases mein data ko remotely store kiya jata hai jiska matlab hai data apki device mein store nahi hota balkay company ke servers mein save hota hai aur aisa mumkin bhi nahi ho sakta kay data export karke usay dusri applications ke sath use kiya ja sake. Web applications banane wali company users ko nazriyati taur par track kar sakti hai kay user applications ke sath kya kar raha hai jiski wajah sey privacy problems ho sakti hain. Agar aap ke mind mein koi sawal hai to aap neeche comment box mein comment karke mujse pooch sakte hain aur agar apko meri ye post achi lagi hai to neeche Thanks Box par click kar dain aur iss informative post ko Share ke button par click karke facebook ya twitter par apne friends ke sath share bhi karen.
Reactions:

Post a Comment

 
Top