Search Anything

Laser Technology Uses Laser Information In Hindi


Laser Technology Information In Urdu/Hindi

Laser Light Meaning In Hindi




Laser ka pura matlab light amplification by stimulated emission of radiation" hai. Laser aik machine hoti hai jo light kay single color ko bohat taiz karti hai. Laser se light ki beam wide ya weak yani chori aur kamzor nahi hoti jesy dusri Tubelights ya phir Light Bulb waghera ki light hoti hai laser ki roshni aik he nuqtay par focus karti hai. Laser single color se light banane ke liye khaas kisam ki gases aur crystals ko istemal karta hai. Phir light ko mazeed taqatwar karne ke liye aur light ko aik direction mein travel karwane ke liye mirrors yani sheeshon ka istemal kiya jata hai jiski wajah sey laser ki light beam tang hoti hai jisey baaz auqat collimated beam bhi kaha jata hai. Jab ye light kisi cheez par parti hai to ye narrow beam light ka single point bana deti hai. Light ki tamam energy kisi torch ya phir flashlight ki tarah phailne ki bajaye sirf aik narrow beam par parti hai.

History of Laser


Albert Einstein ne sab sey pehla shakhs tha jiske pass ye idea tha kay stimulated emission aik laser bana sakte hain. Uskay baad Albert Einstein ke idea par kafi saalon tak ye dekha gaya kay waqai ye idea work karta hai ya phir nahin. Shuru shuru mein logon ne log Masers banane mein kamyab huay Maser kya hota hai? Maser ek aisi device hai jo energy ko release karne ke liye Atoms ke zariye light aur heat banati hai. Uskay baad ye pata lagaya kay chotay nazar aane walay wavelengths kaise banaye jate hain. Laser ka naam 1959 mein Gordon Gould ne aik research paper mein rakha. Duniya ka pehla kaam karne wala laser Theodore Maiman ne Hughes Research Laboratories mein 1960 operate kiya gaya bohat saray logon ne us waqt lasers par kaam karna shuru kar diya tha aur is sawal ka jawab 1987 tak na mil saka kay laser k patent rights kis ko milenge akhir kaar Gould ne laser ke patent rights jeet liye they.

Laser Mechanisms Laser Kis Tarah Kaam Karta Hai?




Aik laser special actions ki madad se light paida karta hai jis mein "optical gain medium" ka material shamil hota hai. Energy pump ki madad se is material mein energy dakhil ki jati hai ye Electricity bhi ho sakti hai light ka koi aur source bhi ho sakta hai ya phir energy ka koi aur source ho sakta hai. Energy material ko dakhil karne ke liye banati hai jisey excited state kaha jata hai jiska matlab hai material mein Electrons ki extra energy hoti hai aur phir thori dair baad wo apni energy ko kho dete hain. Jab wo energy ko kho dete hain to phir aik photon ko release karte hain jo kay light ka aik particle hai. Optical gain medium ki type color ko badal deti hai jo wavelength paida karti hai. Photons ko release karna stimulated emission of radiation laser ka hissa hai.


Bohat sari cheezain light ko radiate kar sakti hain jaise kay LightBulb lekin light bulb ki roshni aik direction aur phase mein nahi paregi. Electric field ko istemal karte hue jiske zariye ye control kiya ja sakta hai kay light kesy paida hogi ye light phir aik kisam hogi aur aik he direction mein jayegi jisay coherent radiation kehte hain.


Iss point par light phir bhi weak hai. Mirrors light ko uchal kar wapis bhejte hain aur phir ye optical gain medium ke dusre parts ko hit karte hain jiski wajah sey wo parts bhi photons ko release karte hain ziyada light banate hain jisey light amplification kaha jata hai. Jab tamam optical gain medium light ko banata hai to isay saturation kaha jata hai aur ye light ki bohat he taqatwar beam aik bohat narrow wavelength par banata hai jisey hum laser beam keh sakte hain.

Designing of Laser





Light 2 mirrors kar darmiyaan sey guzarti hai jo light ko wapis aur darmiyan mein bhejte hain. 1 mirror sirf kuch hisson par light ko wapis bhejta hai aur kuch hisa bach jata hai bach jane wali light laser beam banati hai. Ye type of optical gain ka sada sa design hai jo aam taur par laser ki type ko define karne ke liye istemal kiya jata hai. Ye aik crystal bhi ho sakta hai jiski examples ruby aur aik garnet crystal hai jo yttrium aur Aluminum ka jis mein kuch earth metal bhi mix hote hain unka bana hota hai. Laser ke liye helium, nitrogen, carbon dioxide, neon aur dusri gases istemal ho sakti hain. Akhir kaar sab sey chotay lasers roshni banane ke liye Semiconductor Diodes istemal karte hain ye electronics mein istemal hoti hain.

Applications of Lasers


Lasers kay humari rozana ki zindagi mein aur industry mein bohat saray istemal hain. Lasers CD (Compact Disc) DVD (Digital Video Disc) players mein istemal hote hain jahan wo disk se code read karte hain jis mein movie ya koi bhi media hota hai. Laser ka istemal Computer ke sath attach hone wali input device Mouse mein bhi kiya jata hai. Laser Printer mein bhi istemal hota hai jisey Laser Printer kaha jata hai. Laser aksar barcodes aur SQR codes read karne ke liye istemal kiya jata hai aap ne dekha hoga baray departmental stores aur superstore, supermarkets mein jab customer chezain khareed kar payment karne jata hai to ek shakhs bar code reader se us cheez kay barcode ko barcode reader se scan karta hai jiski wajah sey price automatically computer mein add ho jati hai. Women's ki beauty products mein bhi laser ka istemal kiya jata hai jaise Laser Hair Removal applications aur laser light se skin ke dusre kai treatments bhi kiye jate hain





Lasers medicines mein bhi istemal hote hain khaas taur par LASIK eye surgery mein jahan laser eye mein majood cornea ki shape ko repair karne ke liye istemal karte hain. Laser Chemistry mein bhi istemal hota hai jahan isay materials ki pehchan karne ke liye spectroscopy ke sath use kiya jata hai or ye bhi pata lagaya jata hai kay koi cheez konsi gases, solids aur liquids se bani hui hai taqatwar lasers metal ko cut karne ke liye bhi istemal hote hain. Aik laser zameen sey chand ka fasla dekhne ke liye bhi istemal hota hai jo reflectors ke zariye dekha jata hai jo Apollo missions ki taraf se tha. Fasla measure karne ke liye light ko zameen se chand tak travel karne mein jo waqt lagta hai iski madad sey hum moon ka earth sey exact distance ka pata laga sakte hain.

Laser Pointers


Laser pointers kisi map ya diagram par koi bhi point out karne ke liye istemal karte hain misaal kay taur par lecturers bhi isay use karte hain. Bohat say log aisy bhi hain jo laser pointers ke saath khelte hain aur kuch log usay aircraft par marte hain ye bohat khatarnaak hota hai aur ye ghair qanooni bhi hai aur bohat sari countries mein illegal hai. Jo log kisi aircraft par laser maarte hain unhein arrest kar liya jata hai aur uske khilaf qanooni karwai bhi ki jati hai.

Reactions:

Post a Comment

 
Top