Search Anything

Physics Definition And Branches In Urdu Physics Ki Definition In Hindi


Physics Kya Hota Hai Physics Information In Urdu/Hindi


Definition Physics Ki Jankari Hindi Mein




Physics energy, space mein majood matter aur time aur ye kis tarah aik dusre se taluq rakhte hain iski study ka naam hai. Physicists mass, length, time aur Electric Current ko farz karte hain aur phir tamam dusri physical quantities ko basic units mein define karte hain. Mass, length, time aur electric current ko kabhi bhi define nahi kiya ja sakta lekin jo standard units ye sab measure karne ke liye istemal hote hain inhen define kiya ja sakta hai. International System of Units ke mutabiq kilogram mass ka bunyadi unit hai meter length yani lambai ka basic unit hai second time ka basic unit hai aur ampere Electric Current ka basic unit hai.


Physics science ki branch hai ye matter aur tamam forces aur unke effects ko study karti hai. Jadeed physics mein symmetry aur conservation of energy, momentum, charge aur parity ke 4 laws ideas ko apas mein jurtay hain. Physics ka lafz Greek lafz ἡ φύσις, se nikla hai jiska matlab hai nature qudrat. Physics ko is tarah bhi define kiya ja sakta hai kay Physics knowledge ka wo department hai jis ka taluq qudrat se hai aur dusre lafzon mein lagatar waqiyaat hote hain. Physics ka sab se ahem goal ye hai kay is cheez ko samjha jaye kay kainaat kis tarah chalti hai ya phr dusre lafzon mein ye kis tarah salook karti hai.



Physics bohat purana nizaam hai kyon ki Astronomy bhi Physics ka hisa hai ye sab se purani qudarti science hai. Maazi mein ye science ki dusri fields ke sath natural philosophy ka hisa thi jaise Chemistry or Biology lekin scientific revolution ke baad ye fields alag ho gai aur physics knowledge ki aik mukhtalif field ban gai. Physics new technologies banane ke liye bohat ahem hai jaise kay Airplane, Television, Computer aur Nuclear Weapons waghera. Mechanics ye bhi physics ki aik branch hai jo Calculus ki mathematical field ko banane mein madad karti hai.


Physics Quroon e Wusta Kay Islamic Daur Mein



Islamic scholars ne Islamic Golden Age mein Aristotelian physics ki study ko jari rakha. Unhone ne scientific method ki sab se pehli form bhi tashkeel di. Muslim scientist jesy Ibn Sahl, Ibn al-Haytham jinhen Urdu mein Ibn ul Hashim, Al-Farsi aur Avicenna jinhen Urdu mein Bu Ali Sina bhi kaha jata hai ne optics aur vision par bohat sara kaam kiya. Ibn ul Hashim ki kitab Book of Optics mein Ibn ul Haisham ne Unani daur ke ideas ko reject kar diya aur phr vision ke mutaliq nayi theory paish ki unhone is baat ki study bhi ki light ankhon mein kis tarah parti hai aur phir unhone Camera Oscura banaya is book mein se phir European Scientists ne cameras, telescopes, eyeglasses aur magnifying glasses banaye hain.


Physics and Mathematics



Physics aik quantitative science hai kyon ki ye numbers ko measure karne ki bunyad par hai. Mathematics ko physics mein models banane ke liye istemal kiya jata hai jo ye andaza lagane ki koshish karte hain kay mustaqbil mein kya hoga. Andazon ka haqeeqi duniya se mawazna kiya jata hai. Ye andazy theoretical physicists banate hain aur isay haqeeqi duniya se experimental physicists compare karte hain. Physicists duniya ke models ko behtar banane ke liye hamesha kaam karte hain.

Kafi 100 saalon pehle Galileo Galilei aur Isaac Newton dono ne Gravity ke bohat eham laws ko discover kiya is century mein Physics ke mutaliq sab se popular scientist Albert Einstein hai jisne Theory of Relativity mein tamam ajeeb cheezon ki jo hamare ird gird us waqt hoti hai jab hum roshni ki tarah taiz harkat karte hain uske mutaliq baat ki hai. Agar aap ko meri ye post achi lagi hai to neeche thanks box par click kar dain aur iss informative post ko Share ke button par click karke facebook ya twitter par apne friends ke sath share bhi karen.

Reactions:

Post a Comment

 
Top