Search Anything

AIDS Symptoms In Women AIDS Kyon Hota Hai


HIV AIDS Bimari Ki Malomat In Urdu Jankari In Hindi


What Is The Symptoms Of HIV AIDS In Hindi


AIDS ka matlab hai Acquired immunodeficiency syndrome ya phir Acquired immune deficiency syndrome (AIDS) ye aik syndrome hai jo kay aik virus ki wajah sey hota hai jiska naam HIV hai. Ab hum is matlab ki puri tafseel bayan karenge.

Acquired


Acquired ka matlab hai kay log is bimari ke sath paida nahi hote balkay ye unhen tab hota hai jab unko HIV virus infect karta hai.

Immune Ya Immuno


Immune ya Immuno ka matlab hai kay ye immune system par sey mutaliq hai immune system insani jism ka hisa hota hai jo bimari ke sath larta hai.

Deficiency


Deficiency ka matlab hai kafi nahi immunodeficiency ka matlab hai ye aik aesi takleef hai jis mein immune system ko nuqsan pohnch jata hai aur bimari ke sath lar nahi sakta or phir ye jism mein phelne wali bimarion ke sath lar nahi sakta aur body ko healthy nahi rakh sakta.

Syndrome


Syndrome ka matlab hai hai ye symptoms yani alamat ki ya phir takaleef ki aik collection hai. Kyun ki immune system ko nuqsan pohnch jata hai aur bimarion sey lar nahi sakta. Jin logon ko AIDS ho jata hai un par ye alamat ki collection zahir hoti hain jisey "Acquired Immunodeficiency Syndrome" (AIDS) kaha jata hai.

Kitne Logon Ko AIDS Ki Bimari Hai?


2009 ke mutabiq ye andaza hai kay taqreeban puri duniya mein 33.3 million logon ko HIV ki bimari hai. HIV Sub Saharan Africa mein bohat ziyada hai. HIV AIDS sey mutasira 60% log wahan rehte hain. Bohat saray log aisy hain jinhen HIV hai lekin wo is baat ko nahi jante kyon ki HIV se mutasira logon ki asal tadad ka kisi ko ilm nahin.

HIV AIDS Kahan Sey Shuru Hua?


Scientists ka yaqeen hai kay duniya mein pehla shakhs jisey HIV hua wo Africa mein tha. Ye us waqt hua jab Immunodeficiency Virus (SIV) monkeys sey phela ye virus insanon ka bandaron ke khoon ke sath rabta ya phir monkeys ko kaat kar khane ki wajah sey phela hai. 2014 October mein ki gai research ke mutabiq ye pata chalta hai kay HIV virus Kinshasa mein 1920 ke darmiyan shuru hua. Ye sex workers ki janib sey, diry needles yani gandi sui jo doctors aik mareez ko ya phir zyada mareezon ko lagane ke baad dusre mareez ko laga dete hain uski wajah se aur jo log Train par puray mulk ka safar karte hain uski wajah sey phela hai.

HIV Aur AIDS




Har wo shakhs jise HIV ho AIDS nahi hota jab logon ko sirf HIV hota wo to kuch saalon tak sehatmand reh sakte hain. Aik shakhs jisko AIDS hai usay us waqt diagnose kiya jata hai jab us mein khaas kisam ki bimari ho ya phir wo mukhtalif kisam sey aur HIV ki wajah sey bimar ho. Jab aik shakhs ka HIV barhta hai ya phir wo AIDS mein badal jata hai to phir us shakhs ko sari zindagi ke liye AIDS ki bimari lag jati hai. AIDS ke liye bohat saray treatments nikal chuke hain lekin iska koi ilaj nahi hai. Agar kisi ko HIV hota hai to usay HIV positive kaha jata hai.

Agar kisi ko AIDS ho ya agar HIV ho to uske blood tests mein white blood cells bohat kam nazar ayen white white blood cells aisy khaas blood cells hote hain jo infections ke sath fight karte hain.

AIDS illnesses yani bimarion ko define karti hai illness bimari ka he dusra lafz hai.

AIDS Defining illnesses


Agar kisi shakhs ko AIDS-Defining illness hota hai ye aksar is cheez ki alamat hai kay is shakhs ko AIDS hai. Sehatmand logon ko ye bimariyan nahi hoti kyon ki unka immune system taqatwar aur sehatmand hota hai jiski wajah sey wo bimarion ke khilaf larai kar sakta hai. Iski wajah sey AIDS-defining illness ka matlab is cheez ki nishani hai us shakhs ka immune system ko nuqsan pohncha hai. HIV k sath kisi shakhs ko AIDS-defining illness ke signals milna ye batata hai ke us shakhs ke immune system ko nuqsan pohncha hai aur ab us shakhs ko AIDS ho chuka hai.

Kuch AIDS mein illnesses jo hoti hain wo ye hain:

Kaposi's sarcoma: Ye Cancer ki aik kisam hai jo ziyada tar skin ko kharab karti hai aksar skin par red aur purple..., zakham ban jate hain. Baaz auqat KS sirf skin ko kharab karta hai aur baaz auqaat ye jism ke dusre hisson ko mutasir karta hai.

CMV retinitis: Ye aik virus hai jo eye ki pichli satah ko mutasir karta hai.

Pneumocystis carinii pneumonia (PCP): Ye pneumonia ki aik kisam hai aur ye lungs ki infectious disease hai. PCP AIDS waly patients mein bohat aam bimari hai.

Toxoplasmosis : Ye aik aisi disease hai jo parasite ki wajah se hoti hai jo dimagh mein takleef peda karti hai aur body ke dusre systems ko bhi takleef pohnchati hai.

Invasive cervical cancer : Aurat k uterus ke upar walay hissay mein cancer ho jana invasive ka matlab hai cancer phail chuka hai.

HIV Kaise Phelta Hai?



HIV body mein majood kuch fluids ki wajah sey phelta hai jin mein HIV hota hai. Jo ye hain:

Blood : Jiska matlab hai doctors hazraat injections mein aisi needles istemal karen jo kisi HIV mareez ke liye istemal ki gai ho aur wo us shakhs ko laga di jaye jisay HIV AIDS na ho ye baaz auqat healthcare doctors aur nurses ke sath hota hai.

Semen: iska matlab hai aik shakhs jo Condoms ke baghair sex karta hai usay bhi AIDS ho sakta hai jis mein Anal Sex aur Oral sex bhi shamil hain.

Fluids from a woman's vagina

Fluids from the rectum

Breast milk : Aik maa jisey HIV AIDS hai aur wo Pregnancy ki halat mein hai ya phir wo apne bache ko apne breast se milk pilaye is tarah HIV bache mein transfer ho sakta hai.

HIV AIDS Kaise Nahin Phelta?


HIV AIDS jin wajoohat ki wajah se nahin phelta wo ye hain.

Body fluids jism k andar mojood ratubat jaise Saliva yani Thook, Tears yani Ansoo aur Sweat yani Paseena

Kisi aisy shakhs ko haath lagana jisey HIV AIDS ho ya phir uske sath hath milana ya usay hug karna

HIV AIDS ke mareez ke sath khana share karna uske sath beth kar khana ya phir uske glass mein sey pani peenay se bhi HIV AIDS nahi phelta.

Light Switches aur Toilet Seats

Jagah jagah lage hue water cooler se pani peena

Pani aur Hawa

Keray aur Machhar etc. Agar aap ko meri ye post achi lagi hai to neeche thanks box par click kar dain aur iss informative post ko Share ke button par click karke facebook ya twitter par apne friends ke sath share bhi karen.


Reactions:

Post a Comment

 
Top