Search Anything

Battery Information In Urdu Battery Definition In Urdu


Battery Detailed Information In Hindi/Urdu

Battery Detail Information


Aik battery chemical energy ko electrical energy mein chemical reaction se tabdeel karti hai.
Aksar chemicals battery ke andar rakhe jate hain aur ye circuit mein dusre components ko power dene ke liye istemal kiye jate hain. Battery direct current (DC) electricity banati hai DC Current wo electricity hai jo aik direction par flow karti hai aur wapis nahi ati. Electricity ko building ke outlet se istemal karna sasta aur zeyada powerful hai lekin bohat se aisy areas hain jahan par abhi tak bijli nahi pohnchi wahan par battery ke zariye electricity pohnchai ja sakti hai. Battery aisi cheezon ke liye bohat faida mand hai jo aik jagah sey dusri jagah le kar jaya ja sakta hai jaise Mobile Phone, Laptop, Electric Vehicle, Smartphone etc.

Battery Ke Andar Kya Hota Hai? Chemistry



Aik battery ke andar 1 cell bhi ho sakta hai aur bohat saray cells bhi ho sakte hain. Har cell mein anode, cathode aur electrolyte hote hain. Battery ke andar Electrolyte main material hota hai ye aksar acid ki kisam hoti hai aur touch karne par khatarnak bhi ho sakta hai. Anode electrolyte se Electrons banane ke liye react karta hai. Cathode electrolyte sey react karta hai aur electrons ko pakrta hai. Jab aik taar anode ko cathode se milati hai to Electric Current paida hota hai aur electrons aik siray sey dusre siray tak harkat karte hain. Battery ke do end points ko jorne se battery damage ho sakti hai isliye battery ke do ends ke darmiyan load ki zaroorat hoti hai. Ye load kuch is tarah ka hota hai jo electrons ko kam karta hai aur aksar bohat useful kam karta hai jaise flashlight mein Lightbulb ya phir Calculator mein electronics.

Electrolyte liquid aur solid bhi ho sakta hai. Battery ko wet cell ya phir dry cell battery kaha jata hai ye electrolyte ki type par depend karta hai. Battery mein jo chemical reactions hote hain wo exothermic reactions hote hain. Reaction ki ye kism heat paida karti hai misal k taur par agar aap apne Laptop ko kafi dair tak on rakhte hain aur battery ko touch kar k check karte hain to aap dekhen ge ke battery garam hai.

Rechargeable batteries ko chemical reaction reverse karke recharge kiya jata hai jo kay battery ke sath hota hai lekin rechargeable battery ko sirf diye gaye waqt ke mutabiq recharge kiya ja sakta hai. Yahan tak kay Apple Inc. ke iPods jin mein built-in battery hoti hai usay bhi hamesha ke liye recharge nahi kiya ja sakta mazeed ye ke jab bhi battery recharge hoti hai to har bar iski charge hone ki ability thori si neeche gir jati hai. Non-rechargeable batteries ko charge nahi karna chahiye kyon ki agar aap aisa karenge to iske mukhtalif nuqsan ho sakte hain aur nuqsan pohnchane waly substances leak out ho sakte hain jaise potassium hydroxide.

Bari battery banane ke liye cells ko apas mein jora ja sakta hai aik cell ki postive ko dusre cell ki negative se connect karne ke process ko series kaha jata hai. Har battery ki Voltage ko ikatha shamil kiya jata hai. 2 (6 volt) ki batttries ko agar series mein connect kiya jaye to 12 volts bane ge. Aik cell ke positive point ko dusre cell ke positive point se connect karne se aur negative ko negative se connect karne ko parallel kaha jata hai. Aisa karne se voltage same rehta hai lekin jo current shamil kiya jata hai wo ikatha ho jata hai. Voltage pressure hai jo electrons ko wires ke zariye dabata hai. Voltage ko Volts mein measure kiya jata hai. Current ye hai kay aik waqt mein kitne electrons ja sakte hain jise amps mein measure kiya jata hai. Current aur voltage ke combination ko power kaha jata hai jiska formula ye hai (watts = volts x amps).

Different Battery Sizes Battery Ki Khoj Kisne Ki Battery Ka Avishkar Kisne Kiya


Duniya ki pehli battery 1800 mein Alessandro Volta ne ijaad ki thi aaj kal is battery ko voltaic pile kaha jata hai. Bohat sari modern batteries mein fluid ko paste ki shakal mein soaked up kiya jata hai aur har cheez ko mukammal taur par case mein seal kiya jata hai. Case ki wajah sey koi bhi cheez battery se bahir nahi nikal sakti sirf Car aur dusri auto vehicles ki batteries mein liquid shamil hota hai.

Kinds of Batteries


Dry cells, 
Primary cell, 
Alkaline battery, "alkaline", 
Mercury battery,
Leclanche battery, "super heavy duty", 
Lithium battery, , "coin cell"
Silver oxide battery,, watch battery
Voltaic pile, Allesandro Voltas Volta Ki Pehli Battery
Secondary cell, 
Sealed lead acid battery
Lithium-ion battery,
Nickel cadmium battery, "NiCd",
Nickel metal-hydride battery, "NiMH",
Wet cells, 
Lead acid battery, rechargeable, car battery
Nickel-iron battery, rechargeable, Edison battery

Agar aap ko meri ye post achi lagi hai to neeche thanks box par click kar dain aur iss informative post ko Share ke button par click karke facebook ya twitter par apne friends ke sath share bhi karen.
Reactions:

Post a Comment

 
Top