Search Anything

Touch Screen information Display


Touchscreen Technology Background History How it Works

Aik Touch Screen aik computer screen hoti hai jo kay Mouse ya Keyboard ke baghair sirf finger ya stylus pen ke zariye istemal ki ja sakti hai. Touchscreens ko personal digital assistants (PDAs), Smartphones, Tablet Computers aur dusry gadgets mein istemal kiya jata hai. Kuch touchscreens pressure sensitive input ke qabil hoti hain jab user digital pen par sakhti sey dabata hai to screen par moti lines ban jati hain. Interactive whiteboards jo kay bohat saray schools mein paye ja sakte hain touch technology ki simple form istemal karte hain.

Who Invented Touch Screen System





1965 mein England ke E.A Johnson Royal Radar Establishment ne pehli touchscreen ijaad ki jo kay U.K mein air traffic ko control karne ke liye istemal hoti thi aur ye 1995 tak rahi. Pehli resistive touch screen G. Samuel Hurst ne 1975 mein ijaad ki aur 1982 mein banai 1970 mein Hurst aur uskay 9 doston ne discover kiya kay Computer monitor par touchscreen computer ke sath rabta karne ka behtreen tarika hai.

Cover sheet par pressure X wires aur Y wires kay darmiyan voltage ke bahao ki ijazat deta hai jo kay nuqaat ki taraf ishara karta hai. Iss discovery ne resistive technology mein madad ki hai kyon ki ye electrical conductivity ki bajaye pressure ko khalis jawab deti hai aur stylus aur finger ke saath kaam karti hai. Kafi dair baad 2005 France se 3 friends ne multi touch screen banayi jo kay fingers kay numbers ko track kar sakti thi. 2005 mein unki company ka name Jazzmutant released the lemur ye aik multi touch screen interface music controller  hai. Nayi technology ne TactaPad ki madad ki ye bhi 2005 mein banai gai. 2 saal baad Apple iPhone release kar diya gaya jo pehla smartphone tha jo kamyabi ke sath release kar diya gaya.


Touchscreens ka istemal Automatic Teller Machines ATM retail point of sale terminals car navigation systems, medical monitors aur industrial control panel Airplane mein istemal ki jati hai. Apple ne iPhone 2007 mein introduce karwaya uskay baad Touchscreen devices aur gadgets mein bohat popular hogai Android aur Windows Phone mein bhi touchscreens he use hoti hai. Touchscreen kiosks mein banai jati hai jo kay cities aur museums mein information systems ke liye istemal ki jati hain. Kiosks simple point aur click rabta istemal karte hain. Mobile Phones, computers, tablets, smart boards, computer Printers, Televisions, Telephone aur smartwatches mein touchscreen system istemal kiya jata hai.

Different Kinds of Touchscreens


Mukhtalif kisam ki touchscreens mukhtalif tarikon sey kaam karti hain touchscreens ke liye 2 main technologies istemal ki jati hain. Aik resistive touchscreen jis par conducting polyester Plastic ki layer hoti hai. Jab aap isay dabate hain to aap polyester ko glass par touch karne ke liye zoor lagate hain aur electric circuit ko pura karte hain. Screen ke andar aik chip hoti hai jis jagah par aapne touch kiya hota hai wo un nuqaat ko pehchanti hai. Ye screens sirf aik waqt mein sirf 1 finger ko mehsoos kar sakti hain aur agar aap 1 sey ziyada fingers istemal karne ki koshish karte hain to ye pareshan ho jati hai. Aisi touchscreens aksar industrial equipment mein istemal ki jati hain.


Capacitive Touchscreen Meaning in Urdu Multi Touch Meaning in Hindi




Aik capacitive touchscreen jis par glass ki multiple layers hoti hain. Innermost aur outermost donon layers electricity ko conduct karti hain. Ye screen 2 electrical Conductors jo Insulator sey separte ki gai ho unki tarah behave karte hai dusry lafzon mein aik Capacitor resistive screen ke baraks capacitive screen asani sey detect aur aik sey ziyada press ko pehchan sakti hain. Ye multi touch kehlata hai. Capacitive touchscreens plastic stylus ke sath kaam nahi karti kyun ki plastic insulator ke taur par kaam karta hai. Resistive screens dono kisam ke stylus ke sath kaam karti hain. Kuch stylus pens capacitive screens ke sath bohat ache tarike sey kaam karte hain. Kuch pressure sensitive hote hain aur ye sakht aur naram dabane se mukhtalif kisam kay kaam karne deta hai. Misaal ke taur par aap tang line aur khuli line draw kar sakte hain. Agar aap ko meri ye post achi lagi hai to neeche thanks box par click kar dain aur iss informative post ko Share ke button par click karke facebook ya twitter par apne friends ke sath share bhi karen.

Reactions:

Post a Comment

 
Top