Search Anything

What is Gold in Urdu


Gold Metal Details

Gold Metal Information in Hindi


Gold yani Sona aik naram bhari aur chamakdar metal hai ye aik chemical element hai iska symbol Au hai. Gold ka atomic number 79 hai. Gold hazaron saal sey puri dunya mein jewelry, decoration aur money ke taur par istemal hota aa raha hai. Gold nayab hone ki wajah sey ahem hai lekin ye dusray nayab metals sey istemal karne mein ziyada asan hai. Gold daanton ko repair karne aur replace karne mein electronic equipment jaise ke computers mein bhi istemal hota hai is metal ka color bhi gold he kehlata hai. Gold ki pemaish karne ke liye India ka Tola System use kiya jata hai jaise 1 Tola waghera.


Gold ka mining method bhi dusry metals sey milta julta hai Gold ki bohat value hai jahan par sona ki khoj ki jati hai baaz auqat bohat saray log sone ki kankuni ke liye jate hain jise gold rush kaha jata hai. Aksar gold muqami ansar ke taur par paya jata hai iska matlab hai ye kachi dhaat ka hisa nahi hai aur isay nikalne ki zarorat nahi hoti. Zameen par ziyada tar gold zameen ke darmiyan mein hai kyon ki ye ghana hai. Chemistry mein gold ka chemical element 79 hai aur transition metal 11 group mein hai. Iska atomic weight 199.96 a.m.u hai. Gold ka symbol Au jo kay gold ke Latin word Aurum sey hai. Ye aik noble metal hai jiska matlab hai iski low chemical reactivity hai. Gold bohat naram hota hai aur ye ghol jane wala hota hai yani aik goldsmith hathoray kay zariye isay bareek metal sheets mein tabdeel kar sakta hai. Sona ductile bhi hai jiska matlab hai kay isay taar mein bhi nikala ja sakta hai. Jab gold ko money aur jewelry mein istemal kiya jata hai to isay aksar Silver aur dusray metals ke sath sakht banane ke liye mix kiya jata hai.


Ziyada tar metals color mein gray hote hain lekin gold yellow color mein hai kyon ki ye isky Electrons kay behaviour ki wajah sey hai. Sirf Copper aam istemal hone wala aik aisa metal hai jiska color gray nahi hota. Gold ka matlab ye bhi hai kay koi kaam ya koi shakhs jisne bohat acha kaam kiya hai ya wo bohat acha hai race mein jeetne walay 1st place winner ko Gold Medal diya jata hai aur dusry sports mein bhi jaise Olympics mein bhi 1st winner ko Gold Medal diya jata hai. Isi tarah agar koi shakhs bohat acha kaam karta hai ya koi scientist apne mulk ki khatir kargardi dikhata hai usay gold medal sey nawaza jata hai jaise Pakistan ke popular Scientist Dr. Abdul Qadeer Khan ko nobel prize aur bohat saray gold medals sey nawaza gaya kyon ki unhon ne Pakistan ko puri duniya mein aik Atomic power bana diya Allah Taala unhen sehat de aur unhen is cheez ka ajar de Aameen. Agar aap ko meri ye post achi lagi hai to neeche thanks box par click kar dain aur iss informative post ko Share ke button par click karke facebook ya twitter par apne friends ke sath share bhi karen.

Reactions:

Post a Comment

 
Top