Search Anything

Capacitor Information in Hindi Capacitor Definition in Hindi


Capacitor Complete Details in Urdu/Hindi

What Is a Capacitor in Hindi


Capacitor ko condenser bhi kaha jata hai ye aik electronic device hai jo electric energy ko store karti hai. Ye battery sey milta julta hai lekin battery ke size se chota hota hai iska wazan bhi kam hota hai aur ye bohat jald charge bhi ho jata hai. Capacitors aaj kal istemal hone wali bohat sari electronic devices mein istemal ho rahe hain aur ye bohat saray mukhtalif materials sey ban sakte hain. Sab sey pehla capacitor jiska name Leyden jar tha. Capacitors aam taur par 2 metal plates ke sath banaye jate hain jo aik dusry ke upar hoti hain ya phir nazdeek hoti hain lekin wo aik dusry ko touch nahi karti jab is mein bijli jati hai to ye electrical field mein energy store karne ki ijazat deti hain. Plates mein kam charge bhi store karne ke liye kafi jagah chahiye hoti hai isliye plates kisi bhi shakal mein roll up kar diya jata hai jaise Cylinder. Baaz auqat capacitors ki dusri shapes ko kisi khaas maqsad ke liye istemal kiya jata hai. Aik capacitor effect 2 conductors ke nazdeek aane ki wajah sey bhi ho sakta hai. Jo bhi Capacitors istemal hote hain unki type application par depend karti hai.

Capacitors bohat saray sizes mein aate hain. Capacitor aik chunti ki tarah chote bhi ho sakte hain aur aik dustbin ki tarah bare bhi ho sakte hain kuch capacitors adjustable bhi hote hain. Tamam capacitors ke 2 connections ya leads hote hain jisey electronics ki basics skills ka pata ho ziyada tar qisam ke capacitors asani ke sath tabdeel kar sakta hai taham capacitor ki taqatwar kisam electrolytic capacitor hai jisey sahi tarike aur usi raah par istemal kiya jana chahiye agar aisa na kiya jaye to ye capacitors phat sakte hain. Capacitors bhi batteries ki tarah energy ko store karte hain jiase ke pehle bhi bataya gaya hai capacitors store ki gai energy ko bohat tezi ke sath release kar sakte hain aik second sey bhi pehle ye apne andar store energy ko khatam kar sakte hain. Ye pata lagane ke liye kay aik Capacitor kis tarah charge aur discharge hota hai isky liye Defibrillator aur photoflash capacitor ki charging aur discharging jab tak ye puri na ho jaye aur phir bohat jald store power ko aik device mein transfer kar deti hai jisey uski zarorat hoti hai.



Supercapacitor regular capacitor sey ziyada charge store karte hain inhen motors waghera ke liye aur dusry maqsad ke liye Electricity ko store karne ke liye istemal kiya jata hai jab batteries bohat jald discharge nahi hoti. Polystyrene film capacitors is kisam ke capacitor high frequency circuit mein istemal nahi kiye jate inkay andar coil lagi hoti hai. Ye filter circuits mein istemal hote hain ya phir timing circuits mein jo kuch hundred KHZ ya phir isay kam par chalte hain. Electrolytic capacitors electrolytic liquid mein conducting surface istemal karte hain. Inki position hoti hai isliye isay sahi tarike sey jura jata hai inki 2 leads hoti hai aik + aur dusri - jiska matlab hai aik positive hai aur dusri negative. Iskay 2 mukhtalif style hote hai axial jis mein har end mein leads ko connect kiya jata hai aur dusra radial jis mein leads ko sirf 1 end par connect kiya jata hai. Electrolytic capacitor ki rating ko dhundna asan hai kyon ki ye capacitance aur voltage rating ke sath printed hote hain.

Voltage rating kam bhi ho sakti hai isliye ye zaruri hai kay electrolytic capacitor ko check karna zarori hai kay kahin ye overcharge to nahi ho gaya. Capacitors ko battery sey alag kiya jata hai aur phir isay series mein connect kiya jata hai. Capacitor polarized hota hai isliye positive terminal ko negative terminal sey connect karna zarori hai is tarah ye electrical circuit ke zariye sahi polarity banati hai aur breakdown sey bachati hai. Kuch electrolytic capacitors unpolarized hote hain yani ke inki side positive bhi ho sakti hai aur negative bhi ho sakti hai. Ye zyada loud speakers mein low frequency signals ko high frequency signals tak pohchne sey rokte hain.

Uses of Capacitors in Electronics Applications


Capacitor bohat sari electronics mein istemal hota hai jaise kay CameraTelevision, Radio, Mobile, Computer, Laptop, Smartphone etc. Capacitor isky ilawa bhi bohat sari electronic applications mein istemal hota hai capacitor Car sound system ke amplifier mein istemal hota hai Capacitor Fan mein lagi motor ke sath use hota hai. Capacitors current ke utar charhao ke signal ko hamwar karne ya circuits ko control karne ke liye DC Power circuits ke sath connect kiye jate hain. Agar aap ko meri ye post achi lagi hai to neeche thanks box par click kar dain aur iss informative post ko Share ke button par click karke facebook ya twitter par apne friends ke sath share bhi karen.

Reactions:

Post a Comment

 
Top