Search Anything

Atom Kya Hota Hai Atom Information


Atom Details In Hindi/Urdu


Atom aik bunyadi unit hai jo kay tamam matters ko banata hai atoms ki usky apne naam mass aur size ke lehaz se bohat sari mukhtalif iqsam hain. Ye mukhtalif atoms chemical elements kehlatay hain. Chemical elements ko periodic table mein organize kiya jata hai. Hydrogen aur Gold elements ki examples hain. Atoms bohat chote hote hain lekin inka asal size element ke hisab se badalta rehta hai. Atoms ki range 0.1 sey 0.5 nanometers tak chori hoti hai. 1 nanometer 100,000 guna insan kay baalon ki chorai sey chota hai. Is tarah atoms ko special tools ke baghair dekhna na mumkin hai. Atoms ka dusray atoms par asar dalna aur ye dekhna kay ye kesy aur kis tarah kaam karte hain iske liye equations lazmi hoti hai.



Molecules banane ke liye atom ko ikatha kiya jata hai misal kay taur par 2 hydrogen atoms aur 1 oxygen atom ko water molecule banane ke liye ikatha kiya jata hai. Jab atoms ikathe milte hain to isay chemical reaction kaha jata hai. Har atom 3 iqsam ke chote particles ka bana hota hai jisay Protons kaha jata hai jiska positive charge hota hai neutrons jiska koi charge nahi hota aur electrons jiska negatively charge hota hai. Protons aur neutrons bharay hote hain aur atom ke darmiyan mein hote hain inhen nucleus kaha jata hai. Ye electrons ke cloud se ghire hue hote hain jo kay wazan k lihaz sey bohat kam hote han aur nucleus ke positive charge ki taraf matwaja karte hain. Ye attraction electromagnetic force kehlati hai.



Protons aur neutrons 7 chote particles se bane hote hain jinhe quarks kaha jata hai electrons elementary or fundamental particles hote hain inhen chote hisson mein taqseem nahi kiya ja sakta. Protons, neutrons aur Electrons ke number humein ye btatay hain kay konsa element hai. Misaal kay taur par hydrogen ka 1 proton hai iska koi neutron nahi or 1 electron hai sulfur kay 16 protons hain 16 Neutrons hain aur 16 electrons hain.

Atoms jab gas ki shakal mein hote hain to bohat tezi sey harkat karte hain kyun ki wo harkat karne mein azaad hote hain phir wo liquid form mein karte hain aur phir solid matter. Solid materials mein atoms ko tightly pack kiya jata hai har dusry kay agay jis wajah sey wo vibrate kar sakte hain lekin harkat nahi kar sakte.

Reactions:

Post a Comment

 
Top