Search Anything

Aluminum Chemical and Physical Properties


Aluminium Chemical Element Properties 

Preparation Aluminum Hydroxide




Aluminium America mein isay aluminium likha jata hai ye aik chemical element hai. Aluminum ka symbol Al hai aur iska atomic number 13 hai. Aluminium sab sey ziyada paya jane wala metal hai. Aluminium Electricity aur heat ka aik bohat acha Conductor hai. Ye halka aur taqatwar hota hai. Aluminium ko hathoray ki madad sey sheets mein tabdeel kiya ja sakta hai ye mellable hai aur isay taar wires mein bhi badla ja sakta hai ye ductile bhi hai. Ye bohat ziyada rad e amal karne wala metal hai. Agarcha is ka isay Corrosion yani kisi metal ko khurch kar dusry metals mein tabdeel karne mein ye mazahmat karne wala hai. Aluminium Corrosion yani kisi metal ko khurch kar dusry metals mein tabdeel karne ko surface par choti bareek aluminium oxide ki layer bana kar bachata hai. Ye layer oxygen ko metal tak pohanchne sey rokti hai aur uski hifazat karti hai. Corrosion oxygen ke baghair nahi ho sakti kyon ki iski moti layer hoti hai aluminium ki reactivity ko dekha nahi ja sakta.

Khaalis Aluminium ko bauxite sey banaya jata hai ye aik kisam ka pathar hota hai jis mein aluminium oxide hota hai aur bohat saray dosray impurities hote hain. Bauxite ko crush kiya jata hai aur iska jawab sodium hydroxide sey diya jata hai. Aluminium oxide tahleel ho jati hai. Phir aluminium oxide ko liquid cryolite jo kay aik rare mineral hai. Cryolite aam taur par artificially tayar kiya jata hai. Aluminium oxide ko aluminium aur oxygen banane ke liye electrolyzed kiya jata hai. Aluminium ko kabhi bohat qeemti metal samjha jata tha aur ye bhi samjha jata tha kay iski qadar Gold sey bhi ziyada hai. Lekin ab ye sach nahi hai kyon ki technology mein behtri aane ke baad ye bohat sasta ho gaya hai kyon ki isay asani key sath pure metal banaya ja sakta hai.


Aluminium chemical compounds mein +3 oxidation state ki shakal banata hai. Ye aam taur par reactive hote hain. Aluminium chloride aur aluminium oxide iski misaal hai bohat kam aur kabhi kabhar compounds +1 aur +2 oxidation state mein hote hain.

Aluminium Uses in Our Daily Life


Aluminium bohat sari cheezon mein istemal hota hai bohat sari chezen aluminium ki banti hain electricity mein power lines mein bhi aluminium istemal hota hai. Aluminium window frames mein istemal hota hai agar aap kisi enterprise company ko visit karen to unky offices mein glass door hote hain aur frame aluminium ka hota hai jaise Google, Facebook, Apple, Yahoo, Twitter aur Microsoft jesi bari internet companies ke offices mein bhi apko is tarah ke doors dekhne ko milenge. Aluminium aircraft mein bhi istemal hota hai Airplane ki body mein Aluminium ka istemal hota hai. Soft drinks ke cans mein computer mein istemal hone wali Compact Disc mein bhi Aluminum use hota hai. Khalis aluminium bohat naram hota hai isliye iss mein hard metal daal kar isay mazboot banaya jata hai hard metals mein aam taur par Copper shamil kiya jata hai. Copper aur Aluminium alloys ko ships banane ke liye istemal kiya jata hai kyon ki aluminium corrosion ko rokta hai aur copper barnacles ko bachata hai. Aluminium compounds ko deodorants aur water processing plants, food additives aur antacids mein istemal kiya jata hai.

Aluminium Recycling



Chunkay aluminium ko electrolysis ki zaroorat hoti hai isliye isay bohat ziyada electrical power ki zaroorat hoti hai. Aluminium ko recycle karna bohat sasta hoga yehi wajah hai ke recycling plants khul gaye hain. Aluminium ko recycle karne ki cost isay bauxite ke zariye banane sey kafi kam hai.

Aluminium Safety For Humans


Aluminium ko insani jism mein istemal nahi kiya jata agarcha ye bohat aam hai. Log is baat par behas karte hain kay isay deodorants aur pani mein istemal karna sehat ke liye sahi hai ya nahi? Aluminium ions acidic soils mein plant ki growth ko kam kar deta hai Aluminium Alzheimer diseases ka ansar bhi ho sakta hai jab insan ka dimag kaam karna chor deta hai aur mareez pareshan hota hai lekin Alzheimer society kehti hai had sey zyada medical aur scientific raye aluminium Alzheimer bimari mein ziyada relationship nahi hai. Agar aap ko meri ye post achi lagi hai to neeche thanks box par click kar dain aur iss informative post ko Share ke button par click karke facebook ya twitter par apne friends ke sath share bhi karen.

Reactions:

Post a Comment

 
Top