Search Anything

Define Projector in Computer Projector Details in Hindi


Projector Kya Hota Hai What is Projector in Urdu

Digital Projector Display Technology


Computer ki invention ne insan ki zindagi par bohat gehra asar dala hai logon ki zindagi bohat change ho chuki hai ab har kaam Online hota hai Computer par log asani sey kaam kar lete hain koi document banana ho to Laptop mein type karke foran Printer se print nikal lete hain isi tarah agar kabhi kisi picture ko computer mein transfer karna ho to Scanner istemal kar lete hain. Computer ne dunya mein inqalab barpa kar diya hai ye aik aisi machine hai jo bohat saray kaam kam waqt mein kar deti hai isilyie ab duniya ka har kaam isi par ho raha hai Internet kay zariye log apas mein connected hain Wi-Fi ka istemal barh chuka hai log 3G Connection, 4G LTE , Mobile Phones aur Smartphones par  GSMSIM Card kay zariye use kar rahe hain ye sab Science aur Technology ki badolat mumkin hua hai.
Projector ka lafaz apne pehle bhi suna hoga lekin aaj main aap ko iskay baray mein mukamal guide karne ja raha hoon kay projector akhir hai kya aur kesy kaam karta hai? Projector ki zarorat humein us waqt parti hai jab humare pass Display kay liye koi bari LCD na ho ya phir Presentation deni ho misal kay taur par Colleges aur Universities mein students ko koi bhi cheez sahi tarah samjhane ke liye projectors use kiye jate hain jiska faida bachon ko ye hota hai kay wo us cheez ko dekh kar asani sey samajh jate hain to chalen ab main aap ko batata hoon projector kya hai?
Aik video projector video signal leta hai aur aur same wahi image kisi screen ya phir dewaar par lens use karte huay humein dikhata hai. Tamam projectors mein image ko project karne ke liye bohat tez light istemal ki jati hai aur jadeed projectors mein projection kay doran nazar any wali curves, blurriness aur colors waghera ko setting karke theek kiya ja sakta hai. Video projectors ziyada tar conference room presentation, classroom training, home theater applications mein istemal hote hain. Projectors mein overhead projector bhi hote hain jo kay small image ko bara karte hain aur isay wall ya screen par overhead mirror kay zariye display karte hain.
Aik video projector ko cabinet mein rear-projection screen kay sath single unified display device banane ke liye bhi lagaya ja sakta hai jise ab home theater kaha jata hai. Aik aam portable projector mein display resolution SVGA (800x600 pixels), XGA (1024×768 pixels), aur 720p (1280×720 pixels) shamil hai. Projector ki price sirf resolution kay hisab sey nahi hoti balkay ye light output, contrast, acoustic noise output aur dusri wajoohat ki bina par bhi kam ya ziyada hoti hai. Agar aap ko meri ye post achi lagi hai to neeche thanks box par click kar dain aur iss informative post ko Share ke button par click karke facebook ya twitter par apne friends ke sath share bhi karen.
Reactions:

Post a Comment

 
Top