Search Anything

Software Ki Khoj Kisne Ki Software Kisne Banaya


Application Software Details in Hindi/Urdu

Software Kya Hota Hai Computer Software Information in Urdu



Computer Software jisay aam taur par Software kaha jata hai ye aik Instructions aur documents ka set hota hai jo kay Computer ko ye batata hai kya karna hai aur kya nahi karna aur koi bhi khaas kaam karne ke liye banaya jata hai. Software kay baghair computer ko istemal karna bohat mushkil hai kyun ki Windows sey bhi pehle jab Apple Inc. kay founder CEO Steve Jobs ne computer tayar kiya tha to wo MS-DOS par kaam karta tha uskay baad Microsoft company kay founder Bill Gates ne Computer Operating System par apna kaam shuru kiya lekin start MS-DOS se he kiya jahan par sirf commands use hoti hain aaj kal ka computer ya Laptop nahi jisay chalana bohat asan hai ab to koi bhi bacha computer ko asani sey use kar sakta hai. Computer software ya Computer Application koi bhi khaas kaam karne kay liye program ki jati hain misal kay taur par agar aap kay computer par koi acha sa download manager available nahi to phir aap Internet Download Manager istemal karte hain jo kay sirf Internet sey files ko download karne kay liye banaya gaya hai isi tarah agar aap computer koi calculation karna chahte hain to aap Windows mein majood Calculator use kar sakte hain aur koi bhi calculation asani kay sath kar sakte hain. Computer mein Office ka koi kaam karne kay liye most efficient aur fully function application available nahi hoti lekin aap Microsoft Office install karte hain jis mein aapko Microsoft Word, MS Excel, MS Powerpoint aur Microsoft Access jaise useful softwares mil jate hain.



Application software aur System software mein faraq hota hai System software sirf computer machine ko run karne kay liye use kiya jata hai jisay Operating System kaha jata hai OS ki misaal Microsoft Windows aur Linux hai. Application software aap ko computer mein koi bhi task bohat asani kay sath karne ki facility deta hai. Software ka lafaz pehli baar 1960 mein istemal kiya gaya tha jis sey computer hardware aur software mein faraq wazeh ho gaya tha hardware computer mein use kiye gaye parts hote hain jinhen hum dekh sakte hain aur touch bhi kar sakte hain lekin software ko sirf hum dekh sakte hain aur touch nahi kar sakte. Software instructions ka aisa package hota hai jisy computer follow karta hai Compact Disc (CD) aur Internet ke aanay sey pehle software computer data storage media mein aate thy jaise kay Punch Cards Magnetic Data Storage Technology se bani hui Magnetic Discs aur Magnetic Tape etc. Software ki mazeed tareef karne kay liye aap isay aisy bhi keh sakte hain kay Computer Program aik instructions ki list hoti hai jo kay computer ko ye batati hai kay kya karna hai. Computer jo bhi kaam karta hai wo aik Software kay zariye kiya jata hai Computer Program ko Programming Language mein likha jata hai.



Computer mein istemal hone walay beshumar software hain jaise kay Internet par web pages dekhnay ke liye Web Browser like Google Chrome aur Mozilla Firefox iskay baad Macintosh computers kay liye Apple Safari. Computer program computer ki hard drive mein aik file kay taur par store hota hai jab computer user program ko chalata hai to computer us file ko read karta hai aur phir Processor (CPU) file mein majood data ko instructions ki list ya set kay taur par read karta hai phir Computer wahi kaam karta hai jo computer program usay karne ko kehta hai. Duniya ka pehla software Ada Lovelace ne computer kay father Charles Babbage jo kay ek Mechanical Engineer thy unki mechanical machine kay liye write kiya tha aur Software ki theory Alan Turing ne paish ki thi.

Computer Programming Software Engineering
Aik Computer program programmer ki taraf sey write kiya jata hai computer program ko 1 aur 0 mein write karna bohat mushkil hota hai kyun ki machine yehi read kar sakti hai isliye computer programmers isay programming language mein write karte hain. Jaise kay C, C++, BASIC, JAVA jab ye computer program write kar diya jata hai phir programmer isay compiler kay zariye language mein tabdeel kar deta hai jisay computer read kar sakta hai. Computer ko nuqsan pahuchane wali applications ki bhi hoti hain jo computer ko kharab karne ki koshish karte hain jiski aik misal computer Virus hai.

Reactions:

Post a Comment

 
Top