Search Anything

What Is AC And DC Current In Urdu


Add caption

AC And DC Current Definition In Urdu




AC Current electric current hoti hai jis ki shiddat aur simt (direction) mukhtalif hoti hai jab kay DC current direct current hoti hai. AC power circuit ki waveform sine wave hoti hai kyun ki iski wajah sey current ki productivity maximum aur expense kam hota hai. Taham mukhtalif applications mein mukhtalif waveforms istemal ki jati hain jaisay kay triangular aur square waves. Electrical current ko mukhtalif tarikon sey kam ya ziyada kiya ja sakta hai jiske liye mukhtalif electronic devices use ki jati hain jaise Resistance, Resistor, Diode, Semiconductor etc.



Jab Alternating Current ki baat ki jati hai to zyada tar iska matlab hota hai kay ye Electricity ki wo form hai jo businesses aur residence mein provide ki jati hai. Lekin electrical wire kay zariye Radio aur Audio signals bhi alternating current ki misaal hai. In applications ka eham maqsad encoded ya modulated information ki recovery hoti hai. Iske zariye current flow ki direction musalsal pichay aur agay jati hai jisy kisi bhi AC Voltage source ke sath kiya jata hai. Tamam Gharon mein istemal hone wali electricity AC current he hoti hai. Ye alternating current aik power plant ki taraf sey aati hai. AC current ki direction har second mein 60 bar wapas jati hai aur duniya ke kuch hisson mein 50 bar wapis jati hai. Yeh process bohat tezi ke sath hota hai jiski wajah sey aik light bulb ki roshni rukti nahin.

AC Power Ka Istemal Use Of Ac And Dc Current In Technological Devices



Alternating current ghar mein majood taqreeban har cheez ke liye istemal hoti hai Mobile Phone charger bhi AC power se he kaam karta hai, garmi sey bachne ke liye istemal hone wala Electrical Fan bhi AC current use karta hai, entertainment ke liye dekha jane wala Television bhi AC power use karta hai, mukhtalif kaam karne ke liye Computer bhi alternating current sey chalta hai, electricity ke zariye Train bhi chalti hai, jadeed daur mein electric car bhi electricity sey charge hoti hai, Electricity ke zariye battery wali Motorcycle bhi chalti hai, Ac current ke zariye electric bicycle bhi ki battery bhi charge ki jati hai, computer ke sath display ke liye attach hone wali LCD bhi ac power use karti hai aur computer ki dusri shakal Laptop ka charger bhi AC power use karta hai. 

DC Current mein electricity ka flow sirf aik direction par chalta hai jo kay positive sey negative terminals per hota hai. Mobile phone mein use hone wali batteries direct current ki misaal hai isky ilawa Solar Energy sey hasil hone wali electricity bhi Solar Panels sey transfer ho kar DC batteries mein store hoti hai. Agar aap ko meri ye post achi lagi hai toh neeche thanks box par click kar dain aur iss informative post ko Share ke button par click karke facebook ya twitter par apne friends ke sath share bhi karen.

Reactions:

Post a Comment

 
Top