Search Anything

Solar Technology In Urdu


Solar Power Electricity Information In Urdu/Hindi
Solar Energy Kya Hai



Solar energy sunlight ki energy hoti hai jab sey ye duniya bani hai tab sey insan soraj ki power ko istemal karta aa raha hai suraj ki heating sey cooking aur kapry bhi dry kiye jate hain. Aaj kal solar power Electricity generate karne kay liye istemal ho rahi hai. Jahan par electricity ki sahulat na ho jaise villages aur remote areas mein isky ilawa satellites bhi solar power use karte hain. Solar power sey electricity generate karna bohat sasta tarika hai kyun ki suraj ko koi insan energy nahi deta balkay ye Allah SWT kay hukam sey kaam kar ra hai. Soraj ki shuwaoun sey hasil hone wali energy sey banai jane wali bijli aur coal ya oil sey hasil ki jane wali electricity ka muqabla hai jis mein solar power kamyab hai. Solar cooker kay zariye food cook kiya ja sakta hai solar energy ko heat trapper bhi kaha jata hai. Solar energy sey bohat saray faiday liye jate hain jaise pani ko garam karne kay liye buildings ko heat up karne aur cooking karne kay liye solar cells aur heat engines kay zariye electricity generate karne kay liye samundar kay pani sey namak khatam karne karne ke liye kapre aur towels ect sukhane kay liye aur isky suraj sey bohat saray faiday hasil kiye jate hain.

Solar Power Plants Solar Power Plant Information In Hindi





Solar power plants sunlight ko electricity mein covert karte hain ya to photovoltaics (PV) aur ya phir indirectly Concentrated Solar Power (CSP) ko istemal karte hain. Concentrated solar power systems lenses aur mirrors ko use karte hain aur isky ilawa sunlight kay large area ko small beam par focus karte hain. Photovoltaics light ko photoelectric effect istemal karte hue electric current mein convert karte hain. Solar charger bhi hota hai jisy aap Mobile Phone ko charge kar sakte hain solar technology Car mein bhi istemal ho rahi hai jisky zariye solar powered car energy ko electricity mein badal deti hai aur phir electric car start ho jati hai. solar power system har jagah aam hota ja raha hai aur ahista ahista logon ko isky fawaid ka pata chal raha hai.

Solar Panel Kya Hai Solar Power System Information In Urdu Solar Panels




Solar panel soraj sey energy hasil karta hai jisy log istemal kar sakte hain. Solar pane kay 2 types hain pehli type jis mein panel heat ko collect karta hai aur dusra jis mein photovoltaic kay zariye electricity produce ki jati hai. Solar panels sey hasil ki gai heat aksar space heating aur hot water kay liye use ki jati hai. Solar panels renewable energy collect karte hain 20th century mein kuch soraj ki heat sey steam engine ke liye steam banate thy jis sey generator on ho jata tha. Aaj kal sunlight kay zariye electricity banana sasta hai solar panels ko home use kay liye aksar chat kay opar rakha jata hai. Commercial aur industrial use mein panels ke sath ground par trackers bhi lagaye jate hain jiski wajah sey jaise he sun sky mein moving karta hai trackers panels ko usi taraf move kar dety hain.

Reactions:

Post a Comment

 
Top