Search Anything

Pakistan Ka Flag Kisne Banaya Tha Pakistan Ki Abadi Kitni Hai 2017 Pakistan Ki Jansankhya 2017


Pakistan Flag Pakistan History in Urdu/Hindi

Pakistan Ka Matlab Kya Hai In Urdu Pakistan Ki Rajdhani Kya Hai



Pakistan ka khawab Bar-e-Sagheer kay Mashoor Shayar-e-Mashriq Poet, Philosopher, and Politician, as well as an Academic, Barrister and Scholar Dr. Allama Muhammad Iqbal ney dekha tha jiski tabeer Musalmano kay Great Leader Barrister Quaid e Azam Muhammad Ali Jinnah ne 14th August 1947 ko puri duniya ko puri kar k dikha di. Pakistan bohat he khubsurat country hai jis mein bohat saray Musalman aur kai dusre Mazhab sey taluq rakhne walay log hansi khushi rehte hain. Pakistan ka mazhab Islam hai Pakistan kay ziada tar log Musalman hain aur mohabbat pasand log hain Pakistan k shehri aman pasand log hain aur dehshat gardi aur fasad ko na pasand karte hain. Pakistan kay mashriq mein Hindustan waqiya hai. Pakistan kay 5 sobay hain jin mein Punjab, Sindh, Balochistan, Khyber Pakhtunkhwa aur Gilgit Baltistan shamil hain. Pakistan mein 4 soby hain jin mein 2 wafaqi ilaqay aur Pakistani Kashmir kay 2 hissy hain Pakistan ka Capital Islamabad hai. Pakistan mein Tribal Areas Azad Kashmir aur Maqboza Kashmir bhi hai jis par is waqt Bharat ka qabza hai.

Lafz Pakistan Ka Matlab Pakistan Ka Matlab


Pakistan ka lafzi matlab paak logon ki sir zameen hai paak kay Urdu Language aur Farsi zuban mein mani khalis aur saaf kay hain aur satan ka matlab zameen ya watan ka hai. 

Pakistan Ka Naam Kis Ne Rakha Tha?


Pakistan ka naam 1933 mein Chaudhary Rehmat Ali ne dusri Goal Maze Conference kay mauqa par apne mashoor kitabcha (Now or Never) yani "Abhi Ya Kabhi Nahi" publish kiya jis mein pehli martba lafz Pakistan ka istemal kiya gaya tha.


Lafz Pakistan is waqt 5 lafzon ka sarnamiya hai Pey sey Punjab Alif sey Afghaniya (Khyberpakhtunkhwa) Kaaf sey Kashmir Seen sey Sindh Taan sey Balochistan. Islami jamhooria Pakistan ki total abadi is waqt 20 Crore (200,000,000) hai pakistan ka qul raqba 796096 murabba kilometer hai. Pakistan kay mashriq mein Hindustan, shumal mashriq mein China aur maghrib mein Afghanistan aur Iran waqiya hai. Pakistan ki samundari sarhadi hudood Oman ki samundari hudood sey bhi milti hai. Pakistan duniya ka aham aur taqatwar mulk hai jaisa kay iski fauj Pak Army dunya ki saatveen (7th) bari fauj hai. Aur ye Islami duniya ki wahid aur janoobi Asia ki dusri bari Atomic Power hai. Pakistan ki economy duniya mein 27th number par hai. 

Pakistan Ki Azadi Ki Kahani In Urdu

View of Islamabad Capital City of  Pakistan

Pakistan ka matlab kya " La ilaha illAllah " ye nara mashhoor Shayer Asghar Sodai ney 1944 mein lagaya jo Tehreek e Pakistan kay doran bohat jald logon ki zubanon par aam ho gaya.

Pakistan History in Hindi Pakistan Ki Tareekh in Urdu


Pakistan ki history bohat lambi hai 711 mein Umvi Khalifa Waleed Bin Abdul Mulk kay daur mein Muhammad Bin Qasim Bar-e-Sagheer (mojooda Pakistan wa Hind) kay khasay hissay ko fatah karta hai aur yun Bar-e-Sagheer (mojooda Pakistan) duniya ki sab sey bari Arab riyasat ka aik hissa ban jata hai jiska capital Damascus zuban Arabic aur mazhab Islam tha. 1947 sey pehle Hindustan, Pakistan aur Bangladesh British Colonies thi aur ye sub continent yani Bar-e-Sagheer kay naam sey janay jaty thy. Angrezon sey Hindustan ki azadi ki Tehreek kay doran Hindustan kay Musalmano nay apne liye aik alehda mulk ka mutalba kiya aur Pakistan ka matlab kya " Laa Ilaaha Ilallah " is Tehreek ka maqbool aam nara tha. Is mutalbay kay teht Tehreek e Pakistan wajood mein aayi is Tehreek ki qayadat Quaid-e-Azam Muhammad Ali Jinnah nay ki aur phir 14th August 1947 ko Pakistan maarz e wajood mein aaya.


1947 se le kar 1948 tak Pakistan ko bari mushkilat ka samna karna para kyun ki Bharat ney Pakistan kay hissay mein aany wali raqam Pakistan ko ada na ki isky ilawa dhanchay kay naam par Pakistan kay hissay mein ginti kay chand kaar khanay aye aur mazeed kai androni wa barooni mushkilat ny bhi Pakistan ko gheray rakha 1948 mein Bani e Pakistan Quaid-e-Azam Muhammad Ali Jinnah ki wafaat ho gai jis k baad hukumat Liaqat Ali Khan ko sonpi gai 1951 mein Liaqat Ali Khan ko shaheed kar diya gaya. 1951 sey 1958 tak kai hukomatain ayi aur khatam ho gain 1956 mein Pakistan mein pehla Aain (Constitution) nafiz hua iske bawajood siyasi bohran ka nateeja ye hua kay 1958 mein Pakistan mein marshall law lag gaya.

Pakistan Ki Currency Kya Hai?

Pakistan ki currency Rupees hai jisy Pakistani Rupees kaha jata hai aur short term mein PKR bhi likha jata hai. Agar aap ko meri ye post achi lagi hai to neeche thanks box par click kar dain aur iss informative post ko Share ke button par click karke facebook ya twitter par apne friends ke sath share bhi karen.

Reactions:

Post a Comment

 
Top