Search Anything

What Is Islam Religion In Hindi Islam Kya Hai Hindi Me



What is Islam Deen e Islam Ki Jankari in Hindi/Urdu

Islam Ka Lafzi Matlab Kya Hai? What is The Meaning of Word Islam in Hindi/Urdu





Islam ka lafz salam sey liya gaya hai jis kay mani ataat (obey) aur aman (peace) dono kay hote hain. Islam ka matlab salamti ka deen hai ye ek aisa mazhab hai jis mein sab kay liye salamti aur aman hai.

Islam Hai Kya?

Islam kay 6 bunyadi ajza hain jin par yaqeen karna bahut zaroori hota hai.


  1. Sab sey pehla Allah Taala par iman lana uski wahdaniyat ka iqrar karna.
  2. Farishton par iman lana.
  3. ilhami asmani kitabon par iman lana.
  4. Rasoolon par iman lana.
  5. Akhirat Qayamat kay din par iman lana.
  6. Khatm e Nabuwat par iman lana.



Islam aik toheedi mazhab hai jo Allah Taala ki taraf sey akhri Rasool aur Nabi Muhammad Bin Abdullah Bin Abdul Muttalib Sallalahu Alaihi Wa Alehi Wasalam kay zariye insano tak pohanchai gai akhri ilhami aur aasmani paak kitaab Quran Majeed ki taleemat par qaim hai. Islam ek peaceful aur logon ko ek dusry kay sath milany wala mazhab hai Islam is waqt dunya dusra bara mazhab hai islam dunya ka dusra bara mazhab hone kay sath sath duniya mein tezi kay sath phailne wala religion bhi hai. Aaj kal jo mukhalifat media  mein ki jati hai Islam is sey bilkul mukhtalif religion hai media par sirf propaganda hai. Agar koi shakhs khud Islam ki jankari hasil karta hai to usko khud pata chal jayega ka Islam waqai ek sacha pyara aur haqeeqat par mabni deen hai.

Quran Majeed






Quran arabic language mein nazil hua aur isi zuban mein duniya ki qul abadi taqreeban dunya ka 24% hissa jo lagbhag 1.6 sey 1.8 billion afrad is kitab ko parhte hain. Quran Majeed Allah Taala ki taraf sey Hazrat Muhammad (S.A.W.W) par nazil ki gai kitab hai jo taqreeban 23 saal kay waqt mein thora thora karke nazil hua. Nazil ka matlab hota hai ilham hona aur Allah Taala ne Hazrat Muhammad (S.A.W.W) ko apna deen phailany kay liye chun liya aur khas kar liya aur mehboob banda bana liya jin kay zariye puri dunya mein Deen e Islam ki tableegh hui. Wahi kay zariye last Prophet Muhammad (P.B.U.H) kay mun mubarak sey ada ho kar likhi jane wali kitab aur is kitab par amal pera hone ki rehnumai karney wali shariyat he 2 aisy wasail hain jin ko Islam ki bunyad qarar diya jata hai.




Islam kay 5 bunyadi arkan hai rokan ka matlab ye hota hai kay jo shakhs Islam qabool kar chuka ho aur Musalman ho usay ye 5 arkaan pure karne zaroori hain.


Kalma e Shahadat :- Musalman ki janib sey bunyadi iqrar : Khalis apne khaliq Allah Taala par iman lana yani jisne puri kainat ko paida kiya hai aur Rasool par yaqeen ki gawahi dena shahdat kehlata hai.

Salat (Salah) :-  Apne muqami waqt kay mutabiq din mein 5 bar namaaz (ibadat) faraz hai.

Roza (Fast) :- Ramzan kay mahine mein suraj nikalny sey le kar suraj kay gharoob hone tak Allah ki raza kay khana peena chor dena aur ye roza kuch haalton mein ghair lazim aur multawi bhi ho jata hai.

Zakat :- Apni zaroorat puri ho jane kay baad ghareebon mein apna maal taqseem karna.

Hajj :- Agar koi shakhs itni himmat rakhta hai kay wo Makkah ki janib safar kar sakta hai to phir apni zindagi mein 1 bar hajj zaror kare aur agar koi shakhs ghareeb hai uskay liye zarori nahi lekin apne dil mein khwahish phir bhi rakhni chahiye aur Allah Taala sey dua karni chahiye kay ya Allah mujhe Hajj aur Umrah karne ki taufeeq ata farma. Aaameen

Islam aur Dusre Mazhab


Is duniya mein Islam sey pehly jitny bhi mazhab thy wo bhi islam ki taleemat kay he thy lekin phir logon ney khud apne apne mazhab bana liye jis tarha Allah Taala ney Quran Majeed mein irshad farmaya hai.

Aye Muhammad (S.A.W.W) hum ne tumhari taraf isi tarha wahi bheji jis tarha nooh aur in sey pichle peghambaron ki taraf bheji thi. Aur ibrahim A.S aur Ismail A.S aur Ishaq A.S aur Yaqoob A.S aur aulad e yaqoob A.S aur Esa A.S aur Ayub A.S aur Haroon A.S aur Suleman A.S ko bhi wahi bheji thi aur Dawood A.S ko hum ne Zaboor bhi inayat ki thi.

Reactions:

Post a Comment

 
Top