Search Anything

What Is The Actual Meaning Of Life Kasauti Zindagi Ki Story In Hindi

What Is Actual Meaning Of Life

What Is Life And How To Live It According to Islam


Zindagi Kya Hai Aur Ye Kyun Humein Ataa Ki Gai Hai Kya Zindagi Jeena Zaroori Hai?



Insaan ko Allah Taala ne paida kiya iski takhleeq Hazrat Amma Hawa A.S aur Baap Adam A.S sey shuru hui duniya mein basne walay tamam insaano ki maa Amma Hawa A.S aur Baap Hazrat Adam A.S hain is tarah isan ki nasal agay barhi. Bacha pehle maa kay pait mein hota hai aur phir paidaish ke baad wo bacha ahista ahista bara hona shuru ho jata hai wo apni zimedari ko samajhne lagta hai aur akhir kar wo ek din shadi karke apni life ko ek naya rang deta hai usky baad wo bachy paida karta hai aur apny bachon ko acha mustaqbil denay kay liye unhy parhata hai likhata hai. Ye kaam sir anjaam dene kay baad insan burhapay ki taraf barhna shuru ho jata hai aur akhir kar uski zindagi ka akhri din aa jata hai jab wo apnay khaliq e haqeeqi ko ja milta hai. Maut insan ko kisi bhi waqt aa sakti hai zaroori nahi har insan burhapay mein ja kar foat ho balkay kuch nojawan bhi is temporary dunya sey chal baste hain aur kuch bachy bhi apny bachpan mein Allah Taala ko pyare ho jate hain. Zindagi ko jeena bilkul zarori hai kyun ki agar hum himmat har kar zindagi jo jeena chor dain ya khudkushi kar lain to phir humara thikana jahannum mein hoga aur har wo shakhs jo suicide karta hai usay dozakh ki saza milti hai jo kabhi khatam nahi hogi.

Zindagi Allah Ta'ala ne humein tohfy mein di hai isliye kay hum kamyab ho kar apny rab ko razi kar lain  humain di hai ye zindagi insan ko isliye di gai hai uska imtihaan liya ja sake kuch mazhab sey taluq rakhny waly log samjhte hain ye zindagi sirf enjoy karne ke liye mili hai lekin nahi! ye life insan ko azmanay kay liye ki gai hai kyun ki iske baad bhi ek zindagi hai jo kabhi na khatam hone wali hai apni life mein aap ney dekha hoga kai aisy log thy jo pichly saal apky sath thy lekin ab woh aap kay sath nahi hain wo isliye kyunki unki ye temporary zindagi khatam ho gai hai aur kabhi na khatam hone wali zindagi shuru ho gai hai. Quran e Paak mein surah Al Zariyat Ayat No. 56 mein Allah Taala ne irshad farmaya hai kay main ne jino aur insanon ko sirf apni ibadat kay liye paida kiya hai " lekin agar socha jaye to Allah Taala ki hamd o sana kay liye farishty bhi bohat thy jo har waqt din raat subha sham Allah SWT ki tareef karte aur Allah ki barai bayan karte rehte hain.

Yahan sey pata chalta hai kay ye life humare liye ek examination hall hai jis mein sab log candidates hain ab jo insan acha paper hal kare ga aur achy marks le lega usay acha inam diya jaye ga aur jo Allah Taala ki na farmani karega aur is aarzi zindagi mein apni khuwahishat kay pichy para rahe ga usay saza milegi. Ab ye saza aur jaza ka mamla Allah Taala nay Jannat aur Dozakh kay darmiyan rakha hai jo shakhs naik amaal karega Namaz ada karega rozy rakhy ga kisi insan ko tang nahin karega insaniyat ki khidmat karega kisi ka bura nahin sochy ga aur har us kaam sey perhaiz karega jiksa Allah Taala ney apni paak kitab Quran-e-Pak mein karne sey roka hai aur jo kaam Sunnat sey sabit nahin wo kaam nahin karega to aisey log Allah ki rehmat sey jannat mein dakhil ho jayenge. Marne kay baad kya hoga ye janne kay liye meri post read karen.



Zindagi Kaise Guzari Jaye Zindagi Kya Hai Meaning Zindagi Kya Hai Hindi Me



Allah ki rehmat har achay kaam mein shamil e haal hoti hai koi shakhs beshak Namaz ada karta ho aur rozy rakhta ho bohat deen dar ho naik ho kabhi kisi ka bura na sochta ho sab ko khush rakhta ho sadqa khairat karta ho zakat ada karta ho wo shakhs bhi ye baat apny mun sey nahin nikal sakta aur na he aisa kabhi socha jaye kay main jannat ka haqdar tha aur mujhe jannat mere naik amaal ki wajah sey mili hai nahin nahin hargiz nahin ye tohfa Allah Taala ne tujhe apni rehmat sey aata kiya hai aur tu apne rab kay samnay Aajzi ikhtiyar kar aur iss lazawal tohfy par Allah Taala ka shukar ada kar zindagi mein bohat sey kaam aisy hote hain jo hum nahin karna chahte lekin humse ho jate hain isliye aisi soch ko kabhi apny dimagh mein mat laye kay aap bohat parhizgar aur bohat naik parwar insan hain har waqt apny khaaliq kay samny apne paida karne walay kay samnay jhuk kar rahen Allah Taala kay agay jhukne waly ko rab logon kay aagay jhuknay nahin deta yehi zindagi hai nasl e insani ko barhayen aur Musalmano ki abaadi mein izafa karen yehi hamara maqsad e zindagi hai kay hum apnay rab ko khush karke roz e qayamat surkh ro ho jayen aur humen us din koi nadamat aur sharmindagi na ho Allah Taala humen Islam kay mutabiq zindagi guzarne ki taufeeq ata farmaye Aaameen. Agar aap ko meri ye post achi lagi hai to neeche thanks box par click kar dain aur iss informative post ko Share ke button par click karke facebook ya twitter par apne friends ke sath share karke sadqa e jariya mein shamil ho jayen jazakAllah Khair.

Reactions:

Post a Comment

 
Top